Friday, 24 June 2016

கந்தசாமியும் , ஐரோப்பிய ஒன்றிய பிரிட்டன் பிரிவும்- நிகழ்வுகள்


இன்று  கிராமத்தில் இருந்து மகள்  திருமணத்திற்கு  நகை வாங்க டவுனுக்கு வந்த கந்தசாமிக்கு , ஐரோப்பிய  ஒன்றியத்தில்  இருந்து  பிரிட்டன்  விலகினால் பவுனுக்கு  1000 ரூ.பாய்  அதிகமாகும் என்று தெரிந்திருக்குமா என்று  தெரிய வில்லை ?

இப்பொது  எல்லாம்  உள்ளூர்  பஞ்சாயத்தில்  என்ன  நடக்குது ன்னு  தெரிஞ்சிக்கணுமோ இல்லையோ , உலகத்துல  என்ன  நடக்குதுன்னு  தெரிஞ்சுக்கணும்  போல ...

தனி ஒருவன் ஜெயம்  ரவி சொல்வது  போல , 2 பக்க பொருளாதார செய்திகள் தான் , பேப்பரில்  உள்ள  மற்ற 14 பக்க  செய்திகளையும் தீர்மானிக்கின்றது போல ..

புது யுக  ந(டி)ட்பு 

சில  அலுவலக நண்பர்களுக்கு எனது போனில் எத்தனை GB RAM இருக்கிறது என்று  தெரியும் , ஆனால் எனக்கு எத்தனை குழந்தைகள் இருக்கிறது என்று  தெரியாது 


அணில் கும்ப்ளே :-
 புதிய  பயிற்சியாளராக  அணில் கும்ப்ளே  நியமனம் :-  மீடியா  மகிழ்ச்சி , இருக்காதா  இன்னும் ஒரு வருசத்துக்கு விராட் கோஹ்லி ,கும்ப்ளே  மோதல் ,மனக்கசப்பு ன்னு போட்டு பொழுதை ஓட்டலாம் இல்ல,.

Wednesday, 22 June 2016

பிரதமரை பார்த்து உலகம் வியக்கிறதா ?

எத்தகைய நாடு இது என்று
 ..
 20 செயற்கை கோள்களுடன் ராக்கெட் விண்ணில் செலுத்தி  வெற்றி  அடைகிறது , மறுபக்கம் இந்தியாவின் பொருளாதார  தலைநகரமான மும்பையில்   2 சென்டி மீட்டர் மழை  பெய்ததால் 300 ரயில்கள் ரத்து  செயப்பட்டு , அன்றாட வாழ்க்கை  ஸ்தம்பிகிறது.
இவ்ளோ  திறைமைசாலிகள் இருந்தும் அடிப்படை வசதிகள்  பெரு நகரங்களிலும் இன்றும் பூர்த்தி  அடைய  வில்லை.

உலக  அரங்கில் இந்தியாவை தலை நிமிர  செய்வேன் என்ற மனிதர் எதாவுது செய்வார் பார்த்தால்  2000 கோடி க்கு அமெரிக்க அதிபரை போல் விமானம் வாங்குகிறார் .10 லட்சம்  ரூபாய்க்கு  சட்டை  போடுகிறார் ..இனிமேல்  இந்தியாவை பார்த்து  உலக  நாடுகள்  வியக்கும்  என்கிறார் .
 நீங்கள் அமெரிக்க  அதிபரை போல் வசதிகளை அனுபவியுங்கள்  ஆனால்  நீங்கள்  இந்திய குடிமகன்களுக்கு அமெரிக்க  குடிமகன் கள் போல் அல்ல  சாதாரண  அடிப்படை  வசதிகளை  பூர்த்தி  செய்து  விட்டு  அனுபவியுங்கள்.

கோடிக்கணக்கில்  செலவு  செய்து  யோகா  தினம்  கொண்டாடுகிறார். யோகா  நல்லது  தான் அதை சொல்ல எல்லா  அரசாங்க  நிகழ்ச்சி  தேவையா ?  பத்தாததுக்கு  சாமியார்க்கு  எல்லாம்  free  புபிளிசிட்டி  வேற ?

முன்னேறிய  நாடுகளின்  பிரதமர்கள்இன்றும்   சைக்கிளில் கூட  அலுவலகம்  செல்கிறார்கள் .  இந்திய  பிரதமரை பார்த்து  உலகம்   30 கோடி  மக்கள்  வறுமை  கோட்டில்  வாழும்  தேசத்தின்  தலைவர் இப்படி  எப்படி வீண்  செலவு  செய்கிறார்  என்றுதான்  வியக்கிறது  .

பிரதமரை  பார்த்து  உலகம்  வியக்கிறதா ?

Tuesday, 7 June 2016

நாமும் தோனியல்ல .. வாழ்க்கையும் கிரிக்கட் போட்டியுமல்ல.

                               

    திரு கபில்தேவ் 2011 உலக கோப்பை   இறுதி போட்டியில் இந்தியா வெற்றி பெற்ற போது தோனியை பற்றி கூறியது
தோனி பல தவறான முடிவுகளை போட்டியின் போது எடுக்கிறார். (யுவராஜ் சிங்கிற்கு முன்னதாக களமிறங்கியது, அஸ்வினை இறுதி போட்டியில் நீக்கியது போன்றவை) ஆனால் கடுமையாக போராடி தனது தவறான முடிவுகள் சரியானதுதான்  என நிருபித்து விடுகிறார்

நாமும்  வாழ்வில்  நாம் எடுத்த பெரும்பாலான தவறான முடிவுகளை சரி என நிருபிக்கும் போராட்டத்திலேயே  விணடித்துவிடுகிறோம்...
 நாமும் தோனியல்ல .. வாழ்க்கையும் கிரிக்கட் போட்டியுமல்ல.

..
தவறை ஒப்பு கொண்டு , ஒவ்வொரு தருணங்களையும் ரசிப்பதே  வாழ்க்கை

Saturday, 4 June 2016

மலையாள படம் பார்த்த அனுபவங்கள்



 எனது மலையாள பட அனுபவங்கள்' என்றவுடன்  ஷகிலா படங்கள் என நினைத்து படிக்க வந்தால் நான் பொறுப்பல்ல.  கல்லூரி காலங்களில் தேவைக்கு அதிகமாக அந்த படங்களை பார்த்து விட்டதால்   பதிவு அதை  பற்றியதல்ல.
எனக்கு மலையாளம் ஒரளவு புரியும் என்றாலும் மலையாள திரைப்படங்கள் அதிகம் பார்பதில்லை... இணையத்தில் மலையாள படங்கள் பார்க்க ஆரம்பிக்கும் பொழுது முதல் 15 நிமிடங்கள் மிகவும் கடினமாக இருக்கும், மொழியும், அவர்களது மெதுவான கதை சொல்லும் பாணியும் சிறிது அயர்ச்சியை தந்து நிறுத்த தோன்றும்... பெரும்பாலும் நிறுத்தியும் விடுவேன்
 15 நிமிடங்களை தாண்டி விட்டால் கதையோடு ஒன்றி, மொழியும், கதை சொல்லும் பாணியும் பிடிபடும் பிறகு அது ஒரு சுவையான அனுபவமாக தோன்றும்... மிகவும் தாமதமாக நான் பார்த்தாலும் சார்லி படம் ஒரு அனுபவமாகவே இருந்தது.. வண்ணமயமான ஒளிப்பதிவு,   பின்னணி பாடல்கள்,அழகான பார்வதி, எப்பொழதும்  துடிப்பான துல்கர்.. சில பல மேஜிக்கல் மொமன்ட்ஸ்...try to watch it..
 தமிழில் ஆர்யாவோ, Sri திவ்யாவோ நடித்து ( கெடுத்து) வெளிவரும் முன் மலையாளத்தில் பார்த்து விடுங்கள்