MGR நூற்றாண்டு விழாவும் , தொடரும் தர்ம யுத்தமும்

தமிழக  ஆட்சியாளர்களின்  3 தலையாய  பணிகள்

1. MGR  நூற்றாண்டு விழா  கொண்டாடுவது
2. குட்டி  கதை  சொல்லி  கூட்டத்தை கலைப்பது
3. திரும்ப  MGR  நூற்றாண்டு  விழா கொண்டாட்டம் .


இந்த  ஒரு  வருஷம்  ஒவ்வரு  மாவட்டமா MGR நூற்றாண்டு  விழா கொண்டாடி  ஒட்டியாச்சு .
அடுத்த  வருஷம்  என்ன  செய்வது ?
பேசாம  ஒவ்வரு  மாநிலமா போய்  கொண்டாடலாமா ? பி டீம்  பாய்ஸ்  யோசனை ..


Flight  ticket  offer போட்டா  தர்ம  யுத்தம்  குரூப்  மொத்தமா அடுத்த வருஷம் எல்லா மாசத்துலயும் டெல்லிக்கு  டிக்கெட் புக்  பண்ணி வைப்பது நல்லது ....உங்களை  கட்சியில்  வச்சு  செய்வார்கள் ...        மிஸ் இவன்  என்ன கிள்ளிட்டான்னு  கம்பளைண்ட்  பண்ணணும்ல ?

MGR நூற்றாண்டு விழாவும் , தொடரும் தர்ம யுத்தமும்

அதிமுகவின் பி டீம் -பாஜக புலம்பல்

நமது  பாஜக  நண்பர்  ஒருவரை  நீண்ட  இடைவேளைக்கு  பிறகு  சந்தித்தோம் ..
என்னங்க  தமிழக ஆட்சி  உங்கள்  தயவில்தான் நடக்கிறது  என்கிறார்கள் , சந்தோஷம்தானே என்றதற்கு ..

மனிதர் பொங்கி தீர்த்து  விட்டார் ..

2014 தேர்தலில் திமுக , அதிமுக  இல்லாத  கூட்டணி  18 % சதவீத  வாக்குகள்  பெற்றது .. இது  ஒரு பெரிய  விஷயம் .. பாஜக  மட்டும்  5 முதல்  7% வாக்குகளை  பெரும்  கட்சியாக  உருவெடுத்தது. நடுத்தர மற்றும்   உயர்நடுத்தர  குடும்பத்தினர்  நன்மதிப்பை  பாஜக  பெற்றிருந்தது .

ஜெயலலிதா  மறைவுக்கு  பின்  அதிமுக  உள்கட்சி  விவகாரங்களில்  தலையிடாமல்  இருந்தால் , அதிருப்தி உருவாகி பலர்  பாஜக விற்கு  வந்து  இருப்பார்கள்  + திமுக  எதிர்ப்பு  வாக்குகள்  பாஜகவை  நோக்கி  வந்து  இருக்கும் , படிப்படியாக  15 முதல்  20 சதவீதம்  பெற்று  பெரிய  இயக்கமாக  வலுபெறுவதற்கான  வாய்ப்பும்  இருந்தது ..

ஆனால்  தேவை இல்லாமல்  அதிமுக உட்கட்சி  பஞ்சாயத்தில் இறங்கி ,   இப்போ  தீர்ப்பு  வர போகுது , தேர்தலை  தள்ளி  வைக்க  போகிறார்கள் , தகுதி நீக்கம்  செய்ய போறார்கள் என்று  எல்லாத்தையும் தமிழக  பாஜக  தலைவர்கள்  சொல்லி, OPS யை   அடிக்கடி  பிரதமரை  சந்திக்க  வைத்து  எல்லாவற்றிற்கும்  பின்னால்  பாஜக  இருக்கிறது  என்பதை  மக்களிடம்  கொண்டு சேர்த்தனர்.

இப்போ  இந்த  அரசு  செய்யும்  தவறுகளுக்கு , அதிமுக  அமைச்சருக்கு  முந்தி  முட்டு  கொடுக்கிறார்கள்  சில தமிழக பாஜக  தலைவர்கள்.  அதுவும்  சிலருக்கு  தமிழகத்தில் பாஜக  ஆட்சியை  விட  இந்த  ஆட்சியே  நீடித்தால்  வசதி  அதிகம்  என்று  நினைக்கிறார்கள். எனக்கு  என்னமோ  அவர்கள்  பிஜேபி -பி டீம்  மாதிரி  தெரியவில்லை , தமிழக பாஜக  தான் ஆள்வோரின் பி டீம்  ஆகி  விட்டது.

ஆள்பவரிடம்  இரட்டை  இலையை   கொடுத்தாலும் , இவர்களை நம்பி  கூட்டணி வைக்க முடியுமா ,பாஜக  சிறிது அதிகாரம் இழந்தால் சசிகலாவையே கை கழுவியவர்கள் , பாஜக வை எளிதில்  தூக்கி  எறிந்து விடுவார்கள்,

சொந்தமாக கட்சிக்கு  என்று   இருந்த  5% வாக்கு வங்கியையும்  நாங்கள்  இழந்து  கொண்டு  இருக்கிறோம்  என்பது  தான்  உண்மை.


அட  இவுரு  சொல்றதும்  சரிதான்  போல ... ..

அதிமுகவின் பி டீம் -பாஜக  புலம்பல்

மாநில உரிமை - மிரட்டி பணிய வைக்க முடியுமா ?

18ம் நூற்றாண்டு,  வெள்ளையர்களின்  ஆட்சிக்கு  எதிராக முதன் முதலாக வாள் உயர்த்திய  இனம்,

19 ம் நூற்றாண்டு,  குற்ற பரம்பரை சட்டத்தை கொண்டு அடக்கிய போது எதிர்த்து போராடிய இனம்,

20 ம் நூற்றாண்டு,  நேதாஜி சுபாஸ் சந்திர போஸ் இந்திய தேசிய ராணுவத்துக்கு அழைத்த போது, "வெற்றி வேல், வீர வேல்  என்று முதலில் களத்தில்  நின்ற இனம்...

அவர்கள் ஒரு சாதிக்காக நிற்கவில்லை , தமிழுருக்காகவும் , ஒட்டு மொத்த இந்தியாவுக்காகவும  நின்றனர்.

அதே இன்றும்
 மாநில உரிமைக்காகவும், மக்கள் நலனுக்காகவும் ,  அந்த  மண்ணில்    தோன்றிய   மாவீரர்கள் தோள் உயர்த்தினால்,  பொய் வழக்கு, வருமான வரித்துறை, சிறைச்சாலையை  காட்டி  பணிய வைக்க முடியுமா என்ன ?


அன்றும் , எட்டப்பர்கள்  அதிகாரத்திற்காகவும் , பணத்திற்காகவும்  காட்டி கொடுத்தனர் , வெள்ளையருக்கு  துணை நின்றனர் .

ஆனால் வரலாறு  அவர்களை  எல்லாம்  மறந்து  விட்டது. போராடியவரையே  நினைவில்  வைத்து  கொண்டது

அதே  போல்  நாளைய  வரலாறும்... எட்டப்பர்களை  புறம் தள்ளி , மாவீரர்களை  நினைவில்  கொள்ளும்.

பணமதிப்பிழப்பு காமெடி விருதுகள்

#பணமதிப்பிழப்புகாமெடிவிருதுகள்

ஓராண்டு  முடிவடைந்த  நிலையில் , சிறந்த  பங்களிப்பிற்காக பணமதிப்பிழப்பு  விருதுகள் அறிவிக்கப்பட்டு  உள்ளன.

சிறந்த வசனகர்த்தா & ஹீரோ  :-  பிரதமர் நரேந்திர மோடி .
 (கெட்டவர்களின்  கையில்  இருக்கும்  பணம்  வெறும்  காகிதம், மூன்று  மாதங்களில் புதிய இந்தியா பிறக்கும்  போன்ற உணர்ச்சிகரமான  வசனங்களுக்காக, அதை அறிமுக  காட்சியில் உணர்ச்சிகரமாக  பேசியதற்காக )

 சிறந்த  துணை நடிகர் :-   உர்ஜிட் படேல், சக்திகாந்த தாஸ்  (ஹீரோவிற்கு  உதவியாக  விளக்கமளித்த  காட்சிக்காக ).

சிறந்த OPENING  சீன்  :-  ஹீரோவின்  அறிமுக காட்சியில்   உணர்ச்சி  பொங்க  பேசி முடித்ததும் , ரஜினி, கமல், அனிருத், RJ பாலாஜி  போன்ற பொருளாதார  நிபுணர்கள்  வாழ்த்தி பாடும் புதிய  இந்தியா ஓப்பனிங்  சாங் ..

சிறந்த திருப்புமுனை  காட்சி :- புதிய  நோட்டுகள்  இதுவரை அச்சடிக்கப்படவில்லை  என்று  மக்களுக்கு  தெரிய  வரும்  காட்சியும், புதிய  நோட்டுக்கள் size  பழைய ATM ல்  வைக்க  முடியாது என்று  தெரியவரும்  காட்சியும் ..

சிறந்த க்ளைமாக்ஸ் :-   இறுதியில் ஒரு  சதவீதம்  கூட  கருப்பு பணம் பிடிபடவில்லை என்ற உண்மை தெரியும்  போது, தொடரும் என்று சொல்லி  "டிஜிட்டல் இந்தியா " என்னும்  இரண்டாம்   பாகத்தை நோக்கி  திசைதிருப்பி  படத்தை முடித்தது .

Best  Cameo ( சிறந்த  கேமியோ ) :- சேகர்  ரெட்டி, சிறு  காட்சி  என்றாலும் , கோடிகணக்கானவர்கள் கையில்  இருக்கும்  ஆயிரம், ஐநூறை மாற்ற வரிசையில் நின்ற போது , கெத்தாக 33 கோடியை  மாற்றிய  காட்சிக்காக .

சிறந்த  வசனம்  :- படம்  முழவுதும் மௌனமாக  இருந்தாலும்  கடைசியில் "monumental  Failure  " என்று முன்னாள்  பிரதமர் பேசும் ஒற்றை  வரி டயலாக்

சிறந்த  இயக்குனர்  விருது : நிதியமைச்சர்  ( படம்  தன்னுடையதாக  இருந்தாலும் , ஹீரோவை  பெர்போர்மன்ஸ் செய்யவிட்டு  பின்னணியில்  இருந்ததற்காக )

சிறந்த நவரச காட்சி :-  ஏராளமான  ATM  வரிசை  மரணங்களை பற்றி  கேள்வி  கேட்ட  பொழுது ,  எல்லையில்  ஏராளமானவர்கள் இறக்கிறார்கள் .ஒரு  சிறு கஷ்டத்தை  கூட தாங்க முடியாதா என்று  கேட்டு,சோகத்தையும்  சந்தோசமாக ஏற்று  கொள்ள  வைக்கும்  காட்சி.

சிறந்த  நகைச்சுவை  நடிகர் :-   திருவாளர்  பொதுஜனம் (பின்னணியில்  உள்ள  அரசியல்  புரியாமல் , தங்களை  ஒரு எல்லையில்  உள்ள  போர்  வீரன்  ரேஞ்சுக்கு  பீல்  பண்ணி  வரிசையில்  நின்று  ஏமாந்த காட்சிக்காக )

ஏதேனும்  விருதுகள்  விடுபட்டு  இருந்தால்  , நீங்களும்  வழங்குங்கள்.

#Demodisaster

ஒரு தலைவன் உருவாகிறான்

   கடந்த  வாரம், திரு  TTV  தினகரன்  பசும்பொன்  சென்ற பொழுதும், தஞ்சாவூர்  வருகையின்போதும் , மிக பிரமாண்டமான   கூட்டம்  கூடியது .அதிலும்  மிக  பெரும்பாலும் இளைஞர்கள்  18 முதல்  35 வயதுக்கு  உட்பட்டவர்கள். 40 வயதிற்கு  மேற்பட்டவர்களை  எண்ணி  விடலாம் . அப்படி  ஒரு ஆர்ப்பரிப்பு , ஒவ்வரு  இடத்தையும்  கடக்க  சில மணி நேரம் ஆனது.

காசு குடுத்து  கூட்டி  வந்தார்கள்  என்று  எளிதில் புறந்தள்ளி   விட முடியாது . காசு  கொடுத்து  வந்தவர்கள்  யாரும்  தங்களது  சொந்த  இரு  சக்கர  வாகனங்களில்  வந்து  ரோட்டின்  இருபுறமும் நின்று   ஆர்ப்பரிக்க  மாட்டார்கள்.  TTV  அருகில்  சென்று  புகைப்படம்  எடுக்க  துடிக்க மாட்டார்கள் ..

 TTV யையும்   சும்மா  சொல்ல  கூடாது, சளைக்காமல்  மனிதர்களை சந்திக்கிறார் . ஆயிரக்கணக்கில் இளைஞர்களுடன்   புகைப்படம்  எடுத்து கொள்கிறார் . 60-70 களில்  இருந்த புரட்சி  தலைவர்  போல்  எளியவர்கள் TTV யை  எளிதில்  அணுக  முடிகிறது . இரண்டு , மூன்று முறை  பார்த்தவர்களை  பெயர் சொல்லி  அழைக்கும் பழம்பெறும் தலைவர்களின் குணமும்  TTV  தினகரனிடம் உள்ளது.  துண்டு  சீட்டு , குறிப்புகள்  இல்லாமல்  மிக  பெரிய  கூட்டங்களில்  உரையாற்றுகிறார்.  பத்திரிகையாளர்களை  பதட்டம்  இல்லாமல்  வெகு  எளிதாக  கை  ஆளுகிறார் .



TTV க்கு  என  ஒரு கூட்டம்  உருவாகி  விட்டது .  டெல்டா மற்றும்  தென்  மாவட்டங்களில்  குறிப்பாக மிக  பெரிய  இளைஞர்  படை உருவாகி  விட்டது,   மேலும் ஒரு  மாற்றத்திற்கான வேகம் (momentum for  change  ) தெரிகிறது .

இனி இவர்கள்  முன்  இருக்கும்  சவால்கள்.

1, இந்த வேகத்தை  தேர்தல்  வரும்  வரை  தக்க  வைத்து  கொள்ள  வேண்டும் .
'
2, இந்த  ஆட்சியை  எவ்வளவு  விரைவில்  கலைக்க  முடியுமோ  அவ்வளவு  விரைவில்  கலைக்க  வேண்டும் .

3, எதிர்கொண்டு இருக்கும்  பொய் வழக்குகளை  முறியடிக்க  வேண்டும் .

4, ஒரு  ஜாதி  என்ற முத்திரை  விழுவதை எந்த  காலத்திலும்  அனுமதிக்க  கூடாது

5, ஜெயலலிதாவுக்கு என   விழும்  பெண்  வாக்காளர்களின்  வாக்குகளை   கவர  வேண்டும் .

6, இந்த  இளைஞர்  கூட்டம்   மக்களின்  பிரச்சனை  சார்ந்து  களப் பணி  ஆற்றிட  வேண்டும் .

இவற்றையெல்லாம்  செய்து  முடித்தால் , TTV ..என்னும்  தலைவனின்  பெயர்  அதிமுக  வரலாற்றில்  பொன்  எழுத்துக்களால் எழுதப்படும். 

சின்னம் யாருக்கு கிடைக்கும்?

#சின்னம்
நாடு சுதந்திரம் அடைந்த பொழுது 80% மக்கள் எழத்தறிவற்றவர்கள்.
தேர்தலின் போது வேட்பாளர் பெயரையோ, கட்சியின் பெயரையோ படிக்க முடியாதவர்கள்.
அவர்களுக்காக உருவானது தான் சின்னம்,
சுவர்களில் சின்னம் வரைந்து பிரபலமடைய வைத்தனர்.
ஆனால் இன்று 95% மக்கள் கல்வி அறிவு உடையவர்கள். மக்கள் சுவர், செய்திதாள் எல்லாம் தாண்டி Facebook, whatsapp, internet, Satellite Channel வரை அரசியல் பேசுகின்றனர்..
இன்னும் சின்னம் கிடைச்சா ஈஸியா ஜெயிப்போம்ன்னு நினைக்கிறது 90% மக்களையும் முட்டளா நினைக்கிற மாதிரி தான்..
சின்னம் இருக்கிற இடத்தில் தான் இருப்பேன், வாக்களிப்பேன் என்பது அதை விட முட்டாள்தனம்.

#வெற்றியோ , தோல்வியோ உங்களின் நடவடிக்கையே தீர்மானிக்கும்.

ஒரு செய்தி மக்களை சென்றடய நாள் கணக்கில் ஆகி , மக்கள் அதை பற்றி வருடக்கணக்கில் பேசுவார்கள்,
இன்று மக்களை நிமிடத்தில் செய்தி  சென்றடைந்து, மக்கள் 4 நாட்களில் மறந்தும் விடுகின்றனர்...

இன்றும் நான் என்ன தப்பு வேணாலும் செய்வேன், ஆனால் மக்கள் MGR சின்னத்துக்காக எனக்கு வாக்களிப்பார்கள் என்பதும் மூட நம்பிக்கை தான்..

#வெற்றியோ, தோல்வியோ உங்கள் நடவடிக்கையே அதை தீர்மானிக்கும்....

its my opinion........

TTV தினகரனும் YSR ஜெகன் மோகன் ரெட்டியும் ...வழிகாட்டும் ஆந்திர வரலாறு.

TTV  தினகரனும்  YSR  ஜெகன் மோகன்  ரெட்டியும் ...வழிகாட்டும் ஆந்திர  வரலாறு.

      2009  YS  ராஜசேகர  ரெட்டி மறைவுக்கு  பிறகு , ஒட்டுமொத்த  ஆந்திர காங்கிரசும்  ஜெகன்  மோகன்  ரெட்டியின்  பின்  அணிவகுக்க  தயாராகிறது. ஆனாலும்  மத்திய  காங்கிரஸ் அரசுக்கு  மாநிலத்தில்  இன்னொரு வலிமையான  தலைவரை  உருவாக்க  மனம்  இல்லை . ஜெகன்  மோகன்  ரெட்டியை ஒதுக்கி  விட்டு , மக்கள்  செல்வாக்கு  இல்லாத ரோசையா , கிரண் குமார்  ரெட்டி  போன்றவர்கள் முதல்வர்  ஆக்கபடுகிறார்கள் .

மத்திய  மாநில  அரசுகளின் அதிகாரத்தை  பயன்படுத்தி கொஞ்சம் கொஞ்சமாக   YSR ஆதரவாளர்களை  இழுக்க  ஆரம்பித்தனர். 

சுதாரித்து  கொண்ட  ஜெகன்  மோகன் , தன்னுடைய ஆதரவாளர்களான 18 MLA களுடன்  பிரிகிறார். அவரின்   மீது வருமான  வரி துறை , அமலாக்க  பிரிவின் மூலமாக   வழக்கு  போடபடுகிறது . 16 மாதம்   சிறையில்  அடைக்கபடுகிறார்.                                மத்தியில்  மாநிலத்திலும்  காங்கிரஸ் ஆட்சியை  தொடர்கிறது . இரண்டாம்  கட்ட  தலைவர்கள் எல்லோரும் அதிகாரத்தை விட  மனமில்லை காங்கிரஸில் தொடர்கிறார்கள்

தேசிய  கட்சியாதலால் சின்னம்  கேட்க கூட  முடியவில்லை . வேறு சின்னம்  தான் . 55 ஆண்டுகால  ஆந்திர அரசியலில்  கை  சின்னம்  இல்லாமல் நிற்க முடியுமா என்றார்கள். ஆனாலும் ஜெகன் செல்வாக்கு  உயருகிறது . 2014 பிஜேபி  கூட்டணியுடன்  போட்டியிட்டு , மோடி  அலையில் மயிரிழையில்  நாயுடு வெற்றிபெறுகிறார் ..ஜெகன் மோகன்புதிய  சின்னமான  மின்விசிறி  சின்னத்தில் (FAN) போட்டியிட்டு  67 சட்டமன்ற தொகுதிகளிலும் , 9 நாடாளுமன்ற  தொகுதியிலும்  வெற்றி பெற்று வலுவான எதிர்க்கட்சி  தலைவர்  ஆகிறார் .

சிரஞ்சீவி  போன்ற  நடிகர்கள்  வந்து  காங்கிரஸில்  சேர்ந்து  மாநிலத்தை இரண்டாக  பிரித்து குட்டையை  குழப்பினாலும்,   காங்கிரஸ ஒரு நாடாளுமன்ற  தொகுதியிலோ  , ஒரு சட்டமன்ற  தொகுதியிலோ கூட  வெற்றிபெற  முடியாமல்  படுதோல்வியை  சந்திக்கிறது . கை  சின்னத்துடன்  அதிகாரத்தில்  இருந்த  காங்கிரஸ்  மாநில  அரசியலில்  தொலைந்து  போகிறது

கிட்டத்தட்ட  ஜெகன்  மோகன் போன்றுதான்  TTV  அவர்களின்  நிலையும்  , ஆயிரம்  வழக்குகள் இருந்தாலும்  ,  தலைமை  பண்பு , மத்திய  அரசுக்கு  அடிபணியாமை ,  மாநில  நலனில்  அக்கறையும் , மாநில உரிமையை   விட்டு  கொடுக்க மாட்டார்   என்ற  நம்பிக்கையும்  சேர்ந்து  அரசியல்  வெற்றிடத்தை  நிரப்பும்  வலுவான  தலைவராக  உருவாக்கும் என்று   நம்புகிறோம் . .

மேலும்  அதிமுக  இரண்டாம்  கட்ட  தலைவர்களால்  பலம்  அடைந்த  இயக்கம் இல்லை . இது  ஒற்றை  தலைமையையும் , தொண்டர்களையும் பலமாக  கொண்ட  இயக்கம் .   இரண்டாம்  கட்ட தலைவர்கள்  என்று  சொல்லபடும்  பலரும்  மக்களை  சந்தித்து  வந்தவர்கள்  அல்ல . சசிகலா  உறவினர்கள் வீட்டையும் , போயஸ்  தோட்டத்து கேட்டையும்  சுற்றி பதவி  பெற்றவர்கள் .

இப்போது  நிர்வாக  குளறுபடிகளால் ஆள்பவர்கள்  மேலும் வலிமை  இழப்பார்கள் .  தேர்தல்  வரும்போது இன்று  ஆட்சியில்  இருக்கும்  EPS ,OPS  போன்றவர்கள் ரோசையா , கிரண்குமார்  ரெட்டி போன்று  காணாமல்  போய்  விடுவார்கள்.  மாநில  நலன்  சார்ந்த போராட்டங்களால்  TTV  வலுவடைவார். TTV  தினகரன்

 திமுக விற்கு  வலுவான  சவாலாக  விளங்குவார். அவரிடமே   அதிமுக  இயக்கமும் வந்து சேரும் .